To og to stiller seg opp etter kvarandre – bak ein strek. Ein person stiller seg framfor rekkja – med ryggen mot – og ropar: «Siste par ut – Kari og Knut – spring ut». Det bakerste paret spring til kvar si side og skal prøva å møtast framme. Den som ropte, skal prøva å fanga ein av dei. Klarar han det, stiller han seg fremst i rekkja saman med den som vart fanga. Den som ikkje blei tatt, skal ropa. Dersom ein ikkje klarar å fanga nokon, må ein ropa ein gong til. Para rykkjer bakover kvar gong det kjem eit nytt par framme.